Mon thuthang pan kizakna ah DKBA pen galkap 1000 kiim pan 3000 val ah kibehlap in hatlam manawh cih kiza hi.
November 7, 2010 Pingpei Kiteelna ni in, DKBA 1000 val in Myawaddy khawpi buluh uh a, DKBA le Kawl USDP kikapna kipankik ahihi. Nungdeuh in Col. Saw Bik makaih 2000 val in BGF nusia in DKBA ah lut uh ahihmanin, tulaitak galkap 3000 val pha hi, ci in DKBA Information Department in gen hi.
September 2, 2011 ni a Pyinmanar USDP Hausa ten DKBA bei ta hi, acih uh pen zuau ahihlam DKBA in pulak hi.
DKBA palai in agenna ah tulai tak DKBA galkapte pen KNU galkapte tawh amunmun ah pangkhawm uh a, politic lam ah zong kipawl khawmkik ding in DKBA lunglut ci hi.
Karen minam lak ah 80 % pen Buddhist ahihmanin, DKBA le KNU hong kipawl kik thei le uh, nidang a Karen te hatlai kigengen hun hong tung kik ding ci'n mi tampi'n lamen hi. Karente hatlai in Kawmoora Camp bekbek ah zong Kawlgalkap Division khat( 8000) aitang in anuntakna uh nusia ngei hi.
DKBA om nawnlo ci a Kawlt thuthangbu a pulak KSDDP party kici pen, DKBA lui pan a tawp uham putek khenkhat hi, ci in Karen News in gelh hi.
DKBA bei ci a Kawl le KSDDP party gen pen diklo a, KSDDP party pen DKBA a zattheih na mel omlo, putek songbong teng tawh kibawl hizaw kici hi.
Zomi galkap ulian lui khat in " Karen leh Zomi bang limtak pangkhawm leng bel, Kawl Naypyitaw linglong zo ding hi" ci in amuhna gen hi.
No comments:
Post a Comment