Kachin-Myanmar meileng lampi kikhak ta

Kawl meileng

Kachin gam leh Myanmar kizopna Mandalay-Myitkyina meileng lampi ( Railway) October6, 2011 ni pan  kikhak ci in kiza hi.

Myanmar Army in hih meileng lampi pen galkap nawnna in zang ahihmanin KIA in October 5, 2011 ni in Hopin, Sarmaw, Mayan kiim mun thum pan bomb tawh kapsat ci hi. Myanmar Army in zong October 06,2011 ni in Myitkyina kiangah meileng leipi khat athukna in kapsat kik ahihmanin, tulai tak Kachin le Myanmar kizopna omsun meileng lampi kikhak ahihi.

Thuthang kizak behna ah Myitkyina-Bamaw motor lampi zong July kha a kipan motor pai thei nawnlo cih kiza hi. Shwebo-MYitkyina motor lampi zong kipai thei loh sawt ta ci hi.

Kachin-Myanmar kikal pen ni khat in meileng 8 ta bang apai den hi in, motor lampi ginalo ahihmanin Kachin le Kawlgam kizopna omsun ahihi.

2011 June kha pan Kawlte zuaukhemna hangin kikapna a omkik zawh a kipan KIA in lampi teng khaktan ahihi. KIA pen Kachin State le Shan State sunga Kutkai, Muse, Namkham, Mongko township teng ah gamtang ahihi. Myanmar-China Gas Pipeline zong ka khaktan ding uh hi, ci in KIA in pulak ngei khin ahihi.

Anunung pen kizakna ah tua meileng lampi pen naksiat simsim ahihmanin, bawlpak kik ding hamsa kici hi.