Wagam leh Kawlgam kikal ceasefire hiamkham bawl zawh kum 23 ci'nna pawipi, Wagam Mong Pauk khua ah kibawlin , tua hunun ah United Wa State Army-UWSA makai nihna General Zhao Zhongdang in, Wagam pen vanlam leh leilam pan hong kido phial zongin UWSA in humbit zo ding hi ci'n pulakkhia ci in April 19, 2012 ni a suak Shan Herald Agency for News website ah kigelh hi.
Kum 20 Cinna abawllai uh ( Tukum 23 cinnaVideo kingah nailo hi)
Hih pawipi pen April 17 ni in Wa galkap Brigade No.468 phualpi Mong Pauk khawpi kibawl hi in, Wagam sunga minam 16 a kihel banah, Wa galkap 3000 val zong kihel ci hi. Hih pawipi sungah mepi leh galvan lian tampi zong lakkhiatna nei uh a, tua galvan atamzaw pen China pan alei uh ci hi.
" Kawl tawh kikap taleng kikap ta keileng, Wagam pen UWSA in kidalzo ding hi" ci in General Zhao Zhongdang in gen ci hi.
Tua pawipi ah mipi 20000 val a kihel banvuah World Food Program leh China ulian khenkhat zong kihel ci hi. Galvan tuamtuam lahna aneih uh hangin, vanleng kapna thau leh rocket te bel lakhialo uh hihtuak hi. Abeisa hunlai a thuthang suak ngei ah UWSA in China bawl vanleng kapna rocket hon khat zong nei khin uh ci in, NCGUB Bulletin khat ah kigelh ngei hi. Tua banah Vietnam tawnin North Korea pan AK 47 tang awn 30 val zong leingei cih thuthang om ngei hi.
UWSA pen 1989 kum Communist Party Burma sunga Wa galkapte paikhia a hong phuankhiat uh hi in, acil in galkap 12000 val pha uh a, tu'n 40000 val phata cih kiza hi. Tulaitak UWSA in China-Burma gamgi ah Square Miles 8000 val ( Mizoram cia) amau khutsungah koih uh a, Kawl galkapte lut zolo uh ahihi.
Anunung pen kithukimna ah Wagam leh China kizopna pen suakta tak a kizom thei dinga, Kawl te'n nawngkai sak khuan neilo ci in, Kawl-Wa kithukimna ah letmat thuh khin uh ahihi.
Wa te banga Zogam pan Kawlte hawlkhiat zawh ding lampi zong huai ahihi ci in, Zomi khangthak tampi in zong amuh daan uh pulak thei zel uh hi.
No comments:
Post a Comment