Zomi, Kachin, Shan leh mualgamte tawh kibelpawl ding Kawlte ut nailo ci in kiza hi.
19/12/2012 ni a Voice of America tawh kihona ah " Kawl kumpi in mualgamte tawh gamthu kithukimna neih ding ut nailo ahihi" ci in, Shan makai Pu Sai Leik in VOA dotna dawng kik hi.
Pu Sai Leik in agenna ah Federal thu a kigen ciangin, Kawlmang palai te'n 2008 Constitution zong Federal manawh mah a kigelh ci uh hi. Ahihhangin tua constitution enleng, Federal lim leh lai khat zong om nailo hi. Mualgamte Self-determination leh Equality bangmah omlo hi. Gentehna in State chief minister ding pen mipi teel hilo in, Kawmang in adeihdeih uh akoih hilel ci hi. Tua ahihmanin state kumpi te'n mipi deihna sangin, Kawlmang deihna bek tawh nasem zaw uh ci hi.
Atawpna ah Pu Sai Leik in " Kawl leh Kawllote ci a, Kawlmang in lungsim aneih laisiah uh, Kawlgam ah kilemna om ngeilo ding ahihi. Mikhempeuh mihing ahi ci a, ngaihsutna Kawlmang te'n hong neih zawh bek ciang vua, kilemna leh kibelpawl theihna om pan ding ahihi." ci in gen hi.
Nunglam in zong Shan makai te'n kilemna a om taktak theih nangin, Kawl te'n a kiphatsakna( manah) uh akhiap masak phot kul ding hi ci in gen ngei khin uh hi.
Athucing anuai a link pan ki-en thei hi.
No comments:
Post a Comment