 |
| Picture: Lumosity.com |
Mihingte kum 40 kiim khong a kipanin, khuak ciamteh theihna kiamin, na tampi ki mangngilh tuttut thei ci hi. Gentehna in tawhtang (key) koi ah koih cih khong thei nawnlo, lasiam pahtak min khong manngilh vat cih khong om thei ahihi. Hibanga na mangngilh tuttut theihna in, nisim nuntakna ah nopmawhna leh supna tampi piangsak thei ci in How Life Works website in gelh hi.
Mihingte khuak pen pumpi sa dangte ahi khut leh khete mah bangin, acidam nang leh ahat nangin exercise kibawl sak thei ci hi. Tu'n khuak exercise tawh kisai amasa penpen dingin " Lumosity " cih brain training program website khat kibawl ci hi.
Lumosity pen San Francisco siksan hi in, Stanford University a khuak leh lungsimlam siamte ( Neuro Science and Cognitive Psychology) panlakna pan hong piangkhia ci hi.
Lumosity ah khuak hat leh hiam nangin, kimawl theih leh kisin theih tuamtuam koih uh a, cimtak leh ninghuai hetlo dingin bawl uh ci hi. Lumosity website pen amawkna in kizang thei a, a hihhangin program bucing zat theih nangin bel zatman them khong piak kul ci hi.
Lumosity Program kal 6 sung asinte, math scores ah 34% khangto tuam ci hi.
Tulai hih thu kilim gen pian a, them khong kankhia a i gelh ahihi. Account bawla kasin leh up huai mawhlo nong hi.
Tulai hih thu kilim gen pian a, them khong kankhia a i gelh ahihi. Account bawla kasin leh up huai mawhlo nong hi.
No comments:
Post a Comment